Мајката во притвор, трите други деца однесени во засолниште

Мајката на 7-годишно дете кое загина вчера од пожарот што го зафати станот, каде било врзано со ланец, ќе остане во притвор. Таа е осомничена за тешка повреда на семејните обврски што довело до смрт на нејзиниот син, дело за кое може да биде осудена на затворска казна до 5 години.

Министерството за труд и социјална политика соопшти дека е обезбедено сместување за трите малолетни девојчиња од ова семејство во соработка со СОС Детското село.

Центарот за социјални работи во Гостивар немало информации за ова семејство.

„Во Центарот за социјални работи во Гостивар нема случаи за ова семејство, така што тие не беа ниту корисници на социјална помош, ниту корисници на која било друга услуга. Немавме никакви информации од семејството или кој било член, без разлика дали се блиски или далечни, дека има таков проблем во тоа семејство.“

Од Здружението на лицата со попречености се шокирани од настанот и особено од информацијата дека 7-годишното дете било врзувано со синџир.

„Вчерашниот случај зборува дека требало однапред да се преземат мерки за да не дојде до ова. Пожар може да се случи, но фактот дека детето било врзано е апсурдно и државата треба повеќе да се грижи за оваа категорија деца, но и за родителите.“

Во меѓувреме, во текот на денов, полициските екипи и јавниот обвинител ја завршија истрагата што треба да ги покаже причините што довеле до пожарот.

Bashkim Sulejmani