Маричиќ: Продолжувањето на преговорите не зависи од Извештајот, туку од уставните измени

Вицепремиерот задолжен за европски прашања, Бојан Маричиќ, на заедничката прес конференција со евроамбасадорот Дејвид Гир, рече дека продолжувањето на преговорите со ЕУ зависело само од уставните промени, но не и од забелешките во извештајот од Европската комисија.

„Продолжувањето понатаму не е врзано за овој извештај, врзано е за уставните промени. Недостатоците треба да ги исправиме и ги ставаме како листа на наши задачи во текот на преговорите, а дали ќе отидеме во наредна фаза зависи од тоа дали ќе ги направиме уставните измени“, рече Маричиќ.