Маричиќ: Транспарентност секогаш може повеќе и треба повеќе
Транспарентност секогаш може повеќе и треба повеќе. Јавноста е секогаш заинтересирана за работата на институциите и затоа направивме и владин план за борба против корупцијата и имаме и вицепремиер за борба против корупцијата, изјави денеска министерот за правда Бојан Маричиќ.
Јавното обвинителство, Државата комисија за спречување на корупција и останатите институции, посочи Маричиќ, комуницираат со него како министер за правда, само онолку колку што е потребно и колку што законот и поделбата на власта го дозволуваат.
– Имаме редовна комуникација во однос на стратешките политики, како стратегија за човечки ресурси, преговори за буџет на годишно ниво, потреби и оние неопходно работи поврзани и со нови вработувања и просторните услови, изјави Маричиќ.
