Марковиќ: Не е крај на светот ако во јуни не почнат преговорите, поважно е да се дефинира процесот

Не е крај на светот ако месецов не добиеме датум за почеток на преговори со ЕУ, вели професорот Ненад Марковиќ, во своето вечерашно гостување во емисијата „360 Степени“ на Алсат. Како што вели тој, поважно е да се дефинира процесот и да се заштитиме од постојани нови барања од бугарската страна.

„Постои мала доза на оптимизам дека тоа може да се случи, но не мислам дека е крај на светот ако не се случи во јуни. Секогаш ќе има некој нов ноември, декември, јуни и тн. битно е процесот сега да биде дефиниран…не знам што би било најдобро за нас, но знам што е најлошо – во процесот на отворање на поглавја константно да излегуваат нови и нови барања од бугарска страна“, вели Марковиќ.