Капитенот на Интер и најдобриот стрелец во Серија А, Лаутаро Мартинез, е прогласен за најкорисен играч (МВП) во сезоната во Серија А. Аргентинскиот репрезентативец има постигнато 24 гола за Интер во сезоната 2023/24, осум повеќе од Душан Влаховиќ од Јувентус, кој е втор на листата.
Влаховиќ беше прогласен за најдобар напаѓач во лигата, додека Микеле Ди Грегорио од Монца беше прогласен за најдобар голман.
Соиграчите на Мартинез од Интер, Алесандро Бастони и Хакан Чалханоглу беа прогласени за најдобар дефанзивец, односно најдобар играч од средниот ред.
Лаутаро Мартинез ќе ја добие наградата в недела пред Интер да ја заврши сезоната во Серија А на гостувањето кај Верона