Маж се разнесе со бомба на железничка станица во Чачак
Утрово, околу 08:45 часот, на железничката станица во Чачак се случила несреќа во која непознато лице се разнело со бомба.
Според информациите што ги пренесува дописникот на Танјуг, полициски и екипи на итната помош веднаш излегле на терен, но лицето веќе било починато.
Во моментот кога се случила несреќата, на пероните на Железничката станица имало и други патници, нo никој не е повреден.
Во информациите кои ги пренесуваат српските медиуми, а кои се од очевидци, се вели дека станува збор за помлад маж кој седел на една од клупите на перонот. Бомбата ја активирал откако го одминале еден патнички и еден товарен воз, најверојатно не сакајќи никого друг да повреди. Според кажувањата на очевидци, лицето седело на клупа која била одвоена од останатите.
