Меџити: Обвинувањата на опозициската СДСМ-ДУИ се бесмислени и не соодветствуваат меѓусебно

Првиот вицепремиер, Изет Меџити, објави неколку административни забелешки кои со години им биле дадени на министрите за животна средина. Според него, забелешките на Државниот управен инспекторат се однесуваат на пракса која се спроведува речиси 10 години. Против решението е поднесена жалба, додека пред неколку дена од Министерството за администрација појаснија дека се работи за редовен увид.

Advertisements

„Тоа е редовна инспекција. Дал сугерирања, не за законски овластувања и прекршувања, туку за претходно воспоставена практика. Против ваквото мислење на инспекторатот е поднесена жалба за да се види дали оваа практика треба да продолжи или не. Но, јас не ја воспоставив оваа практика, туку произлегува од 2016 година од министерот на ДУИ Нурхан Изаири, Башким Ахмети, Садула Дураку, Насер Нуредини и на крајот министерката на СДСМ, Каја Шукова„, рече Изет Меџити, прв вицепремиер.

Но, без разлика на околностите, СДСМ денеска ги презеде документите што ДУИ ги објави пред три дена и ги предаде на премиерот Христијан Мицкоски. Социјалдемократите, кои првично обвинија за одземање на надлежности, сега тврдат дека постојат сомнежи за корупција.

Од Министерството за животна средина денеска дополнително појаснија дека редовниот инспекциски надзор се однесува исклучиво на техничките аспекти на архивското и канцелариското работење. Според нив, не е констатирана злоупотреба на службената положба или други дејствија спротивни на законот. Од оваа институција додадоа дека Управниот инспекторат постапил согласно редовната програма за работа и дека не станува збор за дејствување врз основа на некакво известување или констатирање на грешка во процедурата./Алсат.мк