Републиканецот Кевин Мекарти е избран за претседател на Претставничкиот дом на американскиот конгрес по неколкудневни преговори и 15 круга гласање. Тој положи заклетва како претседател на Претставничкиот дом на 118-та седница на Конгресот. Заклетва положија и членовите на 118. Конгрес.
На последното гласање тој освои 216 гласови, додека демократскиот лидер на Претставничкиот дом Хаким Џефрис ги доби гласовите на 212 претставници, пренесува Си-Ен-Ен.
Републиканците претходно се согласија да го номинираат Мекарти, но неговиот пат до претседателската функција беше неизвесен откако група републиканци се заканија дека ќе ја блокираат неговата кандидатура.
Во својот прв говор откако беше избран, Мекарти се пошегува: „Ова беше лесно, а? Никогаш не мислев дека ќе биде вака“.
Тој исто така рече дека намерата на Претставничкиот дом е дека сакаат САД да победат во економската трка со Кина.
„Ќе се справуваме и со долгорочните американски проблеми, како што е долгот“, рече Мекарти.
