Метај: Имотот, право гарантирано со Уставот и Европската конвенција за заштита на човековите права и слободи

Сопственоста е многу важно економско право, тоа е основно човеково право заштитено и загарантирано со Уставот на Република Македонија, вели универзитетската професорка Албана Метај, поканета во „Емисија 200“ на Алсат. Според неа, заштитата на имотот е една од основните уставни вредности врз кои се гради целокупниот уставен поредок на државата.

„Со едноставни зборови, тоа значи дека сите закони мора да бидат изградени и насочени кон заштита на имотот. Изграден околу заштитата и гарантирањето на правото на сопственост на граѓаните без разлика дали се тоа физички или правни лица. Но и експлицитно, Уставот во својот член 30 гарантира заштита на имотот и правото на наследство на сите граѓани. Правото на сопственост не е само уставно право, туку е загарантирано од сите аспекти во сите планови на домашното законодавство. Таа е заштитена и гарантирана со различни закони од граѓанска природа, но ужива и заштита во кривичната и административната област. Повеќедимензионална заштита на имотните права од сите аспекти. Тоа е и едно од основните човекови права, тоа е право загарантирано со Европската конвенција за основни слободи и човекови права“, рече Метај.