Министерката за надворешни работи Захариева, изјави дека Бугарија го признава само новиот македонски идентитет формиран по 1945 година

Министерката за надворешни работи Екатерина Захариева, изјави дека владата во Скопје се обидува да ја негира нашата заедничка историја и затоа имаме билатерални спорови.

“Посебен македонски идентитет е формиран во првата половина на минатиот век. Бугарија го признава овој посебен идентитет на Северна Македонија и ги поддржува европските интеграции.  Обичните национални херои, како Гоце Делчев, кој како Македонски-Бугарин се борел за независноста од Отоманската империја во 19 век, се претставува само како Македонец. Македонските верзии на познати бугарски песни и романи се препишани за да се избрише сè што е бугарско во нив.  Беше формирана заедничка комисија за историја за решавање на спорот, но сè уште нема конкретни резултати “.

Во статија за германскиот магазин „Theeuropean.de“, Захариева го обвини Скопје дека не го спроведува Договорот за пријателство потпишан во 2017 година, потоа за навреда на Бугарите кои живеат во Македонија, но и за дискриминација на бугарските инвеститори.

“Граѓаните од Северна Македонија кои се чувствуваат како Бугари се вознемируваат и се казнуваат, а нивните адреси се откриваат на социјалните мрежи. Скопје исто така ги одложува инфраструктурните транспортни проекти за важните коридори финансирани од ЕУ. 130 милиони евра се веќе изгубени за изградба на автопатот А1, меѓу нашите две земји, затоа што Скопје ги игнорира барањата за средства од ЕУ“.

Софија  ноември минатата година ја блокираше рамката за започнување на разговорите за пристап на Северна Македонија во ЕУ. Во меѓувреме, Македонија не се поколеба во ставот за спорот со Бугарија, и покрај веќе јасниот став на Брисел за потребата од решавање на споровите, за Скопје да може да ги започне разговорите за членство.

Вјолца Алити