Мицкоски: Преговорите за ново парламентарно мнозинство продолжуваат по изборите

Лидерот на ВМРО-ДПМНЕ, Христијан Мицкоски рече дека преговорите за формирање на ново парламентарно мнозинство ќе продолжат веднаш по завршувањето на вториот круг на локалните избори. Во одговор на новинарско прашање, на денешната прес конференција, говорејќи за можноста за формирање на парламентарно мнозинство Мицкоски рече:

„Немаме никаква дилема дека ВМРО-ДПМНЕ е победник, заедно со коалицијата ‘За обнова на Македонија’ и како коалиција очекуваме да формираме ново парламентарно мнозинство. Ќе ги отпочнеме тие разговори веднаш по завршување на Локалните избори“, рече Мицкоски.