Мицкоски: Вархеји не може да ѝ мисли подобро на Македонија од мене

Еврокомесарот Вархеји не може да ѝ мисли подобро на Македонија од мене, рече во вечерашното гостување во емисијата „360 Степени“ на Алсат лидерот на ВМРО-ДПМНЕ, Христијан Мицкоски. Запрашан за забелешките коишто Вархеји ги упати на адреса на Мицкоски, во врска со случувањата во Собранието за време на дебатата за Францускиот предлог, Мицкоски рече:

„Имам право да имам многу поразличен став за тоа прашање од господинот Вархеји. По други политики можеби имаме исти ставови, но кога станува збор за идентитетот на мојот Македонски народ, на мојата Македонија, тогаш дозволете ми да имаме различни ставови. И дозволете ми да не верувам во тезата дека господинот Вархеји ѝ мисли подобро на Македонија од што ѝ мислам јас“, рече Мицкоски.