МОН: Платформата се тестира и денеска, можни се грешки

Процесот на тестирање е во тек и ќе продолжи да се одвива и во наредните денови, велат од Министерството за образование и наука (МОН) во врска со националната платформа за далечинско учење.

Од МОН велат дека во текот на вчерашниот ден на Платформата биле најавени над 88 илјади активни корисници кои придонеле за дефинирање на предизвиците. Платформата вчера падна за време на тестирањето и не беше во функција. Учениците кои Министерството за образование ги повика да се запознаат со платформата пред почетокот на учебната година, не можеа да се најават на своите профили.