ВЕСТИМАКЕДОНИЈА

Над 440 илјади граѓани примиле вакцина, две дози речиси 260 илјади

Во државата досега се аплицирани 700 193 дози вакцини. Заклучно со вчера, вакцинирани се вкупно 440 299 граѓани, а ревакцинирани 259 894. Вакцинацијата се одвива непречено на сите пунктови низ државата, а интересот за вакцинација секојдневно се зголемува, соопшти Министерството за здравство.

Прва доза вакцина вчера примиле 5401 граѓанин, а вчера вкупно се вакцинирале 12 821 лице. Со последните бројки, барем една доза вакцина примиле 58 отсто од населението над 70 години, 55 отсто повозрасни од 65 години, 50 проценти од населението над 60 години и 40 проценти од граѓаните што имаат над 50 години.

– Голем е интересот за вакцинација без закажан термин. Со прва доза и без закажан термин се вакцинираат возрасни лица што сакаат да се вакцинираат, во пунктовите во здравствените домови низ државата. Процесот на теренска вакцинација се одвива на територија на цела држава, со ротации на медицински екипи во секое село, рурално населено место, населба. Сајтот vakcinacija.mk е отворен за закажување термини за вакцинација на децата. Ревакцинацијата се одвива во спортските сали низ градовите во Кавадарци, Куманово, Тетово, Штип, Битола, Струмица, Охрид, Велес и Прилеп и во А1 СЦ „Борис Трајковски“ во Скопје, наведува Министерството за здравство и апелира до граѓаните да се вклучат во масовното вакцинирање како единствен начин за надминување на епидемијата.

Прикажи повеќе

Related Articles

Back to top button