Надминати техничките пречки со попишувањето, тврди директорот Симовски
Во првите два дена од пописот, регистрирани се 136.773 лица, 41.478 домаќинства и 59.953 живеалишта. Директорот на Државниот завод за статистика, Апостол Симовски, вели дека процесот на попис низ целата земја се одвива без проблеми. При проверка на процесот во кумановскиот регион, Симовски рече дека системот паднал вчера, но бил рестартиран и непречено функционира.
Заменик директорот Илми Селами вели дека попишувачите во Кумановскиот регион и Горно Нагоричане ги известиле дека процесот на попис се одвива без проблеми.
„Има доволен број инструктори и попишувачи на терен и се оди добро за успешен попис во кумановскиот регион“, рече Селами.
И регионалните попишували во Куманово велат дека процесот овие три дена се одвива без пречки.
Пописот на населението започна на 5 септември и ќе трае до 30 септември. Пописот на дијаспора ќе трае до крајот на септември.
Мефаил Исмаили
