Намалувањето на температурите го зголеми бројот на граѓани кои бараат лекарска помош како последица на студот

Драстичните промени на температурите значително го зголемија бројот на граѓани кои бараат лекарска помош. Лекарите велат дека кивањето, болките во грлото, течењето на носот и слични симптоми се вообичаени за овој период од годината, сепак тие не се сезонски грип туку настинка како и инфекции на горните респираторни органи. Малите деца се најчестите пациенти кои се најпогодени од временските промени.

„Бројот на заболени е значително зголемен, не е алармантна ситуација но има зголемување на бројот. Имаме ноќни температури 2-5 степени, дневните температури се околу 30 степени значи варијација од 25-30 степени во рок од 24 часа. Ова помага на појава на таканаречени настинки или инфекции и е проследено со течење на носот, кивање, болки во грлото, уво, односно напад на горниот респираторен тракт.

Лекарите препорачуваат пред сезонскиот грип да започне од 1 јануари до 1 мај, граѓаните да се вакцинираат со сезонска вакцина против грип. Оваа препорака е особено за хронично болните, граѓаните над 65 години и бремените жени.

„Тоа е сезона кога населението треба да се вакцинира против сезонски грип бидејќи таа вакцина треба да има време од 40-45 дена за да создаде антитела против сезонскиот вирус. Односно ако сме вакцинирани сега, ќе бидеме подготвени до крајот на октомври, почетокот на ноември, со цел да бидеме заштитени и да имаме благ грип од 1 јануари, бидејќи компликациите од сезонскиот грип се скоро исто толку опасни како короната или каков било вид грип што предизвикува инфекции на долниот респираторен тракт“.

Вакцинацијата против сезонскиот грип треба да започне во втората половина на октомври или во ноември. За хронично болните, постарите лица над 65 години и бремените жени до закажување термин преку матичен доктор, вакцината е бесплатна. За другите граѓани вакцината чини 800 денари. Инаку, секоја година околу 500.000 луѓе ширум светот умираат поради компликациите предизвикани од грипот. 10% од овие случаи се случуваат во Европа.

Vjollca Aliti