Необична приказна за преживување на градскиот асфалт
Необична приказна за преживување на градскиот асфалт
• Новинар: Може ли да видам што е тоа?
• Питачка: Еве погледни.
• Новинарот: Тоа не е бебе?
• Питачката: Не, не е. Но, не можам да ги донесам децата тука на ладно да замрзнат.
• Новинар: Но, како може да се импровизира бебе или ова е начин на питачење?
• Питачка: Може како не.
Тешкиот живот ја принудил оваа жена да измислува начини на преживување – но истовремено да ги заштити и своите деца.
• Питачка: На луѓето им е жал и ни даваат пари, ако го донесам моето дете не чини, видете, кога ќе си одат дома тие се болни.
• Новинарот: Значи ова не е бебе?
• Питачката: Не, не е.
• Новинарот: Значи, станува збор за импровизирано бебе?
• Питачката: Да.
• Новинар: Што има внатре?
• Питачката: Облека
• Новинари: И си била принудена да се снајдеш на некаков начин?
• Питачката: Да, за да не ги изнесам децата надвор на ладно.
• Новинар: Каде се децата?
• Питачката: Тие се дома со свекрвата.
• Новинар: И наместо децата тука донесе облека?
• Питачката: Да, снајди се па живеј.
Оваа жена која живее само од милостина, вели дека доколку и понудат работа не би одбрала што ќе работи, но дотогаш единствен начин да ги нахрани своите деца е да побара милостина на улица.
• Новинар: Каква работа би можеле да работите?
• Питачката: Што и да е, јас би работела, сум видела жени кои работат во KFC кои чистат надвор, исто така сакам да работам, не е срамно да се работи, но она што го правам е срамно. Секој не пцуе, навредува, ни се потсмева, но јас морам да работам.
• Новинар: Кое е најлошото нешто што некогаш сте го слушнале од луѓето?
• Питачка: Тие што пцујат.
• Новинарот: Дали се чувствуваш лошо тогаш?
• Питачка: Како не. Некои нè пцујат и ги маваат нашите деца и нè тепаат, а мора да питачиш, кога нема што да јадеш, мораш. Државата не ни помага, останав во паркот со децата два месеци, никој не дојде да ни помогне, отидов во социјалната установа и не ни дадоа засолниште.
Кај нас нема официјални бројки за точната бројка на питачи, но според неофицијалните статистики, само во Скопје има над 600. Во прифатилиштата за бездомници во Скопје повеќе од 500 лица на различна возраст се евидентирани како бездомници.
