Нови правила за угостителските објекти: Забрана за гостување на музичари и најмногу до четворица на иста маса

Министерот за здравство посочи дека можни мерки понатаму се и ограничување на работата на одредени економски субјекти и на бројот на луѓе во јавниот превоз, како и мерката за носење маски на отворено, пренесува „360 Степени“.

Забрана за гостување на пејачи и ди-џеи во сите угостителски објекти, ограничување на гласноста на музиката до 55 децибели и намалување на бројот на луѓе кои може да седат на една маса во угостителски објект од сега дозволените 12 на четири.

Ова се препораките на Комисијата за заразни болести, кои ќе бидат предложени на денешната седница на Влада, најави министерот за здравство, Венко Филипче.