Од денеска поскапува струјата
Од овој месец почнува примената на блок тарифите за пресметка на струјата за домаќинствата. Тие се поделени во четири групи и оние кои трошат повеќе струја ќе плаќаат поскапи сметки.
Регулаторите уверуваат дека за 98,8 проценти од домаќинствата просечната цена на струјата ќе се зголеми за 7,4 проценти. Не се очекуваат ниту рестрикции на струја, иако не очекува тешка зима, рече вчера министерот за економија Крешник Бектеши.
Блок тарифите ќе важат само за скапата струја, а за евтината нема да има блок тарифи и потрошувачката ќе се плаќа врз основа на разлика.
Од 1 јули за првпат се воведуваат четири блок тарифи во скапа струја. Првиот блок е до 210 киловатчаса, кој ќе биде најевтин, вториот од 210 до 630 киловатчаса, третиот од 630 до 1050 киловатчаса и четвртиот над 1050 киловатчаса, кој е најскап.
Досега вкупната цена на скапата струја беше 7,32 денари, а евтината 3,67 денари за киловатчас. Според нашите пресметки, сега скапата струја во прв блок ќе биде 7,72 денари, во вториот 8,07 денари, во третиот 8,66 денари и во најскапиот блок 17,5 денари. Евтината струја ќе биде 3,92 денари.
