Од денеска стапија на сила новите превентивни мерки за спречување на пандемијата
Од денеска стапија на сила новите превентивни мерки за спречување на пандемијата, што Владата синоќа ги усвои по препораките на Комисијата за заразни болести. Новиот протокол за отворени угостителски објекти, без оглед на тоа колку луѓе ќе бидат присутни, предвидува:
– Потврда за имунизација дека примил најмалку една доза од вакцините против КОВИД – 19;
– Потврда од лекар дека ја прележал инфекцијата во последните 45 дена од денот на опоравување
– Овие услови за присуство во угостителски капацитети се потребни за лица над 18 години.
Имајќи ги предвид сите ограничувања што се на сила, сега, без исполнување на овие услови не е дозволено влегување во затворените трговски центри, казината, обложувалниците, кафулињата, рестораните, на семејни забави, отворени сали за венчавки, концерти, семинари, конференции, културни или спортски настани.
„Во сите угостителски капацитети каде што капацитетот е над 30 луѓе, принудени се да стават пред врата посебно лице кое одржува ред и ги спроведува овие мерки. Додека оние со капацитет помали од 30 лица, контролата е должна да ја врши нивниот услужен персонал. Oстанува на сила забраната за организирање свадби, забави и прослави во затворени објекти , додека други видови настани се уште можат да се организираат со само 30% од капацитетот.“
И покрај препораката на здравствените власти излезите од земјата да бидат условени, извршната власт одреди две недели до стапување во сила на мерките за сите оние што влегуваат во земјата.
Од 1 септември, нашите државјани и странците можат да влезат во земјава доколку на граничните премини поседуваат:
– Потврда за имунизација дека примиле две дози вакцини против ковид 19; или
– Потврда од лекар дека прележал инфекција во последните 45 дена од денот на опоравувањето; или
– ПЦР негативен тест направен најдоцна во рок од 72 часа од влегувањето во РСМ.
– Не е потребен негативен тест или потврда за вакцинација за деца под 18 -годишна возраст.
„Нашите државјани кои се враќаат во земјата по 1 септември и немаат негативен ПЦР тест или потврда за вакцинација со две дози или потврда од лекар дека прележал инфекцијата во последните 45 дена од денот на опоравувањето, ќе се примени мерката карантин од седум дена во домашна изолација“.
Странските државјани кои транзитираат низ нашата земја по 1 септември ќе можат да го направат тоа безусловно во рок од 5 часа со потпишана изјава што мора да биде прикажана при влез-излез на граничните премини. Од почетокот на пандемијата, секогаш кога земјата ги заоструваше мерките за влез и излез за странските државјани, и другите земји постапиле по принципот на реципроцитет и го сторија истото за македонските државјани.
Adnan Qaili
