Општинските советници немаат право да ја прегледуваат историјата, вели претседателката Давкова
Претседателката Гордана Силјановска Давкова го поддржува барањето на Сојузот на борци на Македонија да не се менуваат имињата на улиците во Тетово. Ваквиот став Силјановска го оправдува со поддршка на историјата што ја раскажуваат овие имиња, иако тие воопшто не соодветствуваат со етничката реалност на земјата.
„Со потомците на борците од НОБ денеска се согласивме дека не смееме да ја заборавиме историјата и дека почитувајќи ги личностите кои биле дел од антифашистичката борба, покажуваме дека сме биле и остануваме на страната на прогресот. Хероите кои ни ја донеле слободата не се измислени. Нивните имиња кажуваат, нивните имиња раскажуваат историска вистина. Тие се дел од нашето национално и културно наследство и заслужуваат неизмерна почит. Затоа Сојузот на борци мора да биде истраен во своите барања да не се менуваат имињата на дел од улиците во Тетово кои носат имиња на национални дејци од антифашистичкото минато. Сите имаме одговорност кон историјата и истата треба да им ја оставиме на нашите деца“, изјавила претседателката Гордана Силјановска-Давкова.
Веднаш стигна реакција од првиот човек на општината Билал Касами. Тој во својот одговор до претседателката напомена дека овој проект е исклучително важен за Тетово и неговите жители. Касами бара од Силјановска прво да разговара за овој проект со челниците на општина Тетово пред да дава вакви изјави.
„Ги повикувам сите политички фактори вклучени во овој процес да бидат конструктивни бидејќи тоа е потреба на граѓаните на Тетово, без разлика на политичка, етничка или верска припадност. Ја поканувам претседателката, пред да даде изјави кои не придонесуваат за успешно завршување на овој процес, прво да се консултира со локалната самоуправа на општина Тетово за да добие попрецизни информации за реализацијата на овој проект. Целиот процес е во согласност со Уставниот закон, инклузивен е и на крајот победници ќе излезат неговите граѓани“, вели Касами.
Почетокот на процесот за промена на името во Тетово, за првпат по повеќе од две децении, се дочекува со политичка кохезија и сеопфатен договор, додека Сојузот на тетовските борци, а неодамна и СДСМ, кои пред неколку недели ја напуштија комисијата за промена на името, се изјаснија против овој процес уште од самиот почеток..
Башким Сулејмани
