Тој се спротивставува на планираниот механизам за владеење на правото, кој би санкционирал кршење на основните вредности на ЕУ, пишува Дојче веле.
За ова се дискутира во Европската унија со месеци. Конечно, следеше компромис, заснован на иницијативата на Германија: тоа е таканаречен механизам за владеење на правото, со кој ЕУ може финансиски да ги санкционира земјите-членки, доколку тие ги кршат уставните норми и основните вредности на Унијата.
Механизмот треба да биде усвоен заедно со новиот буџет на ЕУ и Фондот за обнова во време на короната. Повеќето земји од ЕУ се согласија за тоа деновиве.
Унгарија и Полска, кои ја наведоа ЕУ да започне дебата за механизмот за владеење на правото, жестоко се спротивставија на тоа уште од самиот почеток.
Затоа, спротивно на првичните планови, механизмот е значително ослабен: со цел Комисијата на ЕУ да воведе санкции за една земја, потребно е одобрување на квалификувано мнозинство од петнаесет земји-членки со вкупно најмалку 65% од населението во ЕУ. Ова не е мала пречка.
Но, дури и овој компромис оди предалеку за Виктор Орбан, па тој рече дека Унгарија ќе стави вето на новиот буџет на ЕУ.
Во писмото до претседателот на Советот на ЕУ, Чарлс Мишел, претседателката на Европската комисија Урсула фон дер Лајен и сегашното германско претседателство со Советот на ЕУ, Орбан напиша дека Унгарија „не може да постигне едногласност“ за пакетот буџет на ЕУ.
Орбан го критикуваше планираниот механизам за владеење на правото како „нејасно дефиниран“ и оти нуди можност за политичка злоупотреба.
