Пендаровски ќе се сретне со претставници на ОМО „Илинден Пирин“

Претседателот Стево Пендаровски во неговиот кабинет ќе оствари средба со претставници на ОМО „Илинден Пирин“ Бугарија. Целта на посетата по барање на ОМО „Илинден Пирин“ Бугарија и темите на разговор засега не се познати.

„Барањето е добиено и претседателот Пендаровски ќе ги прими претставници на ОМО Илинден. За точниот датум ќе информираме дополнително“, информираат од Кабинетот на претседателот Пендаровски.

ОМО „Илинден Пирин“ е една од организациите и здруженијата на македонското малцинство во Бугарија, која има добиено 11 од вкупно 16 пресуди пред Европскиот суд за човекови слободи и права од Стразбур за кршење на правото на слободно здружување на Македонците во Бугарија.