Пензиониран полицаец се заканил дека ќе го убие министерот Оливер Спасовски

Полицаец во пензија се заканил дека ќе го убие министерот за внатрешни работи Оливер Спасовски. Осомничениот од својот мобилен телефон, се јавил во полициската станица во Центар, со закана дека ќе го убие министерот по што веднаш го прекинал разговорот. Откако бил идентификуван, во неговиот дом бил извршен претрес при што биле пронајдени неколку пиштоли и повеќе куршуми од различни калибири, соопштија денеска од обвинителството. Пензионираниот полицац е осомничен за кривично дело – Загрозување на сигурноста. За него обвинителство побарало притвор, а судот му определил домашен притвор­.