Поради делта сојот, Сиднеј „под клуч“ уште седум дена

Властите во австралиската држава Нов Јужен Велс ја продолжија за уште седум дена наредбата жителите на Сиднеј да останат дома поради ширењето на делта сојот на корона вирусот.

Сиднеј, кој има пет милиони жители е под блокада од 26 јуни, а ограничувањата беа планирани да бидат укинати на 2 јули, но ќе останат на сила до 16 јули.

Помалку од 10 проценти од австралиските граѓани се вакцинирани, пред се поради недостаток на залихи од вакцини.

„Она што имаме намера да го направиме е ова да биде наша единствена блокада пред повеќето граѓани да се вакцинираат“, изјави премиерката на Нов Јужен Велс, Гладис Береџиклијан.