Поради Онишченко, Виктор Димовски може да не замине за амбасадор во Париз
Државјанството за прорускиот олигарх Олександер Онишченко, може да му застане на патот на кариерата на директорот на АНБ Виктор Димовски. Можно е тој да не замине како амбасадор во Франција доколку извештајот на АНБ до Владата и истрагата на МВР, покажат дека е директно одговорен за случајот. Двата документа кои би го докажале тоа се класифицирани и прочитани на затворена седница на Владата. Претседателот Стево Пендаровски синоќа во емисијата „Патот кон“ на Алсат рече дека неговата одлука да го испрати Димовски за амбасадор во Париз или не, ќе зависи од содржината на документот.
Според Пендаровски, одговорноста за скандалот со државјанството на Онишченко не може да заврши само со двајца суспендирани.
Агенцијата за разузнавање, која е под надлежност на претседателот, воопшто не била прашана за државјанството на прорускиот олигарх. Владата добила мислења од секоја институција, вклучително и од Федерацијата на коњички спортови и од Агенцијата за млади и спорт, но не оценила дека е потребно мислење и од Агенцијата за разузнавање, која можеби имала претходни информации за профилот на Онишченко. Тој пак, според претседателот, не може да се споредува со поранешниот индиски бизнисмен Субрата Рој, кој исто така доби македонско државјанство. Според Пендаровски, Субрата Рои не бил руски шпион како Онишченко. На седницата на 6 декември Владата одлучи да му го одземе државјанството на Онишченко, додека истрагата за докажување на одговорност во АНБ сè уште трае.
Адриан Керими
