Порака од бугарскиот парламент: Демонстрантите фрлаат јајца оти немаат калашникови!
Демонстрантите во Бугарија потсетуваат на членовите на Црвените Кмери од комунистичкото движење во Камбоџа, изјави заменик-претседателот на бугарскиот парламент и лидер на партијата на Националниот фронт за спас на Бугарија, Валери Симеонов.
Според него, демонстрантите, како и Црвените Кмери, биле подготвени да „пукаат кон оние кои не се согласуваат со нивното политичко мислење.
„Луѓето што ги гледате на плоштадите се бугарската верзија на Црвените Кмери. Тоа е нешто како оживеаниот 9 септември (9 септември 1944 година, Бугарија ја смени својата политичка ориентација и застана на страната на своите сојузници во Втората светска војна). Фрлаат јајца затоа што немаат калашникови. Ако ги имаа, ќе убиеја. Ова е еманација на човечка омраза“, рече Симеонов во бугарското телевизиско шоу„ Нова“.
Политичарот го коментираше и предлогот на претседателот Румен Радев за неговата намера да предложи создавање експертска влада. Според него, оваа опција не е можна.
Антивладините протести во Бугарија траат веќе два и пол месеца, а за тоа време незадоволните граѓани постојано фрлаат тоалетна хартија, домати и јајца кон зградата на Владата.
