Пожарите во регионот на Тетово и Гостивар се ставени под контрола

По два дена со многу пожари во Тетово, ситуацијата е мирна. Според началникот на Противпожарната единица во Тетово, Ука Алити, пожарите се ставени под контрола, додека најголемиот дел бил на нивите, поточно во економската зона.

„Вчера имавме три интервенции од ППЕ Тетово, беа многу сериозни интервенции поради силниот ветар што дуваше, но ние како ППЕ Тетово успеавме навреме да го локализираме и да не дозволиме да се рашири. И денес во раните утрински часови имавме голем пожар во делот на Жеровјане, каде што можеше да се прошири, но успеавме да го локализираме навреме. Од јануари до денес имаме над 402 пожари “.

Утрово имаше три пожари во Гостивар. По интервенција на пожарникарите тие се ставени под контрола.

„Вчера имаше најмногу интервенции, додека денес имаше само три. Вчера имавме повеќе од десет интервенции, додека за пет дена од овој месец имаше над 30 интервенции, каде што повеќето од нив, или 26 беа на отворено поле. Имавме и три интервенции во станбени згради“.

Пожарникарите во Тетово и Гостивар, кои последниве денови како и во многу делови од земјата се борат со пожарите, побараа опрема од Владата. Тие посочуваат дека застарената машинерија и недостатокот на опрема ја отежнуваат работата на терен.

Bashkim Sulejmani