Правда ја испрати предлог-иницијативата за уставните измени во Владата

Откако ја разгледа предлог-иницијативата за уставни измени, Министерството за правда ја испрати иницијативата на понатамошно разгледување во Владата.

По усвојувањето од страна на работната група за уставни измени, предлог-иницијативата за промена на Уставот потоа се проверуваше од страна на Министерството за правда, по што беше преведена и на албански јазик.

Владата секој вторник одржува редовна седница, но засега не се знае дали на дневниот ред на утрешното владино заседание ќе се најде и предлог-иницијативата за уставните измени или таа ќе биде разгледана дополнително. Откако Владата ќе ја усвои, иницијативата за промена на Уставот потоа ќе биде доставена во парламентот.