Празниците дојдоа и поминаа, но цените и понатаму остануваат високи, особено на овошјето, зеленчукот, јајцата и оризот, мерки кои беа преземени специјално за месец април. Одлуката за замрзнување на цените ќе заврши за 10 дена и покрај тоа што најголем дел од трговците воопшто и не ја почитуваа, па граѓаните за празниците повторно мораа да купуваат скапи производи бидејќи полиците каде овошјето и зеленчукот требаше да се продава по замрзнати цени, останаа празни. За Рамазан Бајрам на зелените пазари се продава скапо. Надлежните пак, најавуваат дека идната недела ќе излезат со резултатите од мерките за овошјето и зеленчукот, а за мај се најавуваат мерки за месната индустрија.
Министерот за економија, Крешник Бектеши, вели дека следната недела ќе биде клучна и за резултатите од акцијата на пазарите на големо со овошје и зеленчук за кои постои сомневање дека со години фалсификувале царински фактури, правеле даночно затајување и нелојална конкуренција на пазарот. Тоа довело до дизбаланс на малопродажните пазари и не се почитувала одлуката за намалувањето на цените на овошјето и зеленчукот. Но, повторно не се соопштуваат детали за постапувањето на Пазарниот инспекторат.
Додека надлежните се обидуваат да ги зауздаат цените на сезонските производи, на повидок повторно се појавува проблемот со житариците. Некои земји-членки на ЕУ забранија увоз на пченица од Украина поради опасноста зрната да се затруени со разни супстанции поради војната. Но, бидејќи нашата земја е зависна од увоз на жито, такви санкции не се предвидени. Во зависност од цената, С Македонија е подготвена да продолжи да увезува украинска пченица според договорот за слободна трговија со Киев.
Во моментов, за покривање на потребите на домашната потрошувачка, главно 1/3 од земјоделските производи се увезуваат од Турција, Грција, Албанија и Србија.
Аднан Ќаили
