Проф. Петрески: Висока ефикасност кај помошта преку ФИТР механизмот

Помошта за државните компании доделена преку Фонд за иновации и технолошки развој (ФИТР) е далеку поефикасна во споредба со средствата доделувани преку Планот за економски раст, вели во вечерашното гостување во емисијата „Економски Магазин“ на Алсат, професорот Марјан Петрески.

„Резултатите покажуваат дека од 12 мерени индикатори седум се позитивни кај помошта доделена преку ФИТР, во однос на Планот за економски раст. Значи, заради помошта, фирмите коишто добиле грант преку Фондот, преку оваа конкретна програма, постигнале поголема продажба, поголема продуктивност на трудот, поголеми инвестиции во технологија, поголеми профити, поголема ликвидност и поголем пазарен удел“, вели професорот Петрески.