Бојкотот од претходниот ден ја намали продажбата на маркетите за 22.12 проценти. Иницијативата на социјални медиуми поддржана од граѓаните беше помалку ефикасна од минатата недела, кога вкупниот промет падна за 46,59%, но сепак имаше влијание врз прометот.
“Во четвртокот до полноќ во системот е регистриран вкупен промет од над 232 милиони денари и издадени се над 417 илјади фискални сметки. Во петокот, до полноќ, во системот е регистриран вкупен промет од над 181 милиони денари и издадени се над 346 илјади фискални сметки. Во овој анализиран период, осумте најголеми пазарни мрежи забележаа намалување на прометот од 22,12 проценти“, велат од УЈП.
Граѓаните сакаат да продолжат со бојкотот на маркетите, бидејќи, како што велат трговците, тие не се вразумуваат.
„Ги бојкотиравме. Дали треба да продолжи бојкотот на маркетите? Да продолжи, еве ова е 1000 долари многу е. Алах да ни помогне. Цените се високи, поевтино е во Германија, пензиите ги нема никаде, имам 12 илјади денари пензија, работев 20 години“
Ова е втор пат маркетите да бидат бојкотирани поради постојаниот пораст на цените. Идејата за бојкот на маркетите започна од Хрватска, што резултираше со висок ефект. Таму започнува денеска седумдневен бојкот на маркетите.
