Први суспензии за тунелот во „Идризово“, тврди новиот директор на затворот

За ископаниот тунел во дворот на затворот „Идризово“ има суспендирани, уверува новиот директор на казнено-поправната установа, Зоран Јовановски. Кои вработени се суспендирани и колкумина се, најавува дека ќе открие откако ќе биде поднесен обвинителниот акт.

„Има суспендирани, но не можам да кажам колкумина се ниту пак какви било други детали. Истрагата е во тек, се работи на расчистување на случајот. Наскоро очекуваме и обвинителен акт, но да почекаме да завршат постапките“, вели директорот Јовановски во интервју за „Макфакс“.