Првпат по 10 месеци во Велика Британија нема регистрирано смртен случај поврзан со КОВИД-19, пренесува Еурактив. Сѐ уште е неизвесно кој став ќе го заземат министрите по однос на ограничувањата во земјата.
Иако 21 јуни беше назначен како ден кога владата ќе ги ублажи преостанатите ограничувања на социјалната интеракција и дистанцирањето, значителното зголемување на инфекции во последните денови, главно од индиската варијанта на вирусот, предизвика загриженост кај научниците дека мерките треба да останат во сила уште еден месец.
Министрите за здравство во Велика Британија ја припишуваа малата стапка на смртност на успехот на нејзината програма за вакцинирање. Сепак, некои научници предупредија дека без претпазлив пристап, Велика Британија ризикува да види друг бран смртни случаи од вирусот.
