Рашиди: Обид да се свика 36-та седница, обид да се замолчат пратениците

„Тенденцијата денес да се стави на дневен ред или да се свика 36-та седница, која не успеа да се свика пред два дена, меѓу другото, може да се сфати како обид да се замолчат пратениците и да имаат што е можно помалку простор за поставување пратенички прашања”, вели во своето денешно гостување во емисијата „Патот кон … “, Сурија Рашиди, пратеник од Алијанса за Албанците. Од оваа партија остануваат на  позицијата да блокираат каков било закон, сè додека предлогот – законот за државјанство остане блокиран.

„Што се однесува до нашиот став во врска со седницата, ставот беше изразен на 5 март, денот кога требаше да се разговара за законот за кој толку се зборуваше, за државјанството, кога во главната комисија што треба да го разгледа законот, тој закон всушност беше блокиран со сите средства. И во согласност со тоа, предупредивме дека можеби другите прават преседан со кој ги блокираат законите, ја имаме и таа можност. За нас, прашањето за блокирање, откажување на седници или бојкот на работата на Собранието е непознат термин до сега, бидејќи 6 месеци по ред, 7 месеци од конституирањето на Собранието или 6 месеци од формирањето на владата, сите се сведоци дека опозицијата даде максимум да биде конструктивна во работите на Собранието, особено кога на дневен ред беа точки од интерес на граѓаните. За жал, оваа конструктивност на албанската опозиција не беше исполнета со отворени врати од парламентарното мнозинство и владата, но и од другите партии и тие, како синхронизирани, зазедоа став да блокираат многу важен и витален закон за илјадници граѓани на оваа земја. Од оваа причина, нашата одлука беше дека ако тие знаат да блокираат, ние исто така одлучивме да го блокираме секој закон, секоја иницијатива што ќе дојде до Собранието, како што прават и тие“, рече Рашиди.