Раткоцери: Законот предвидува 12 години затвор за сексуално злоставување на деца

Нашата земја од 2012 година направи неколку реформи во правниот аспект кои вклучуваат казни против лица обвинети за сексуална злоупотреба на деца. Професорката Ведије Раткоцери во „Емисија 200“ на Алсат вечерва истакна дека неодамнешните измени ги заоструваат казните за оваа категорија обвинети, подвлекувајќи дека законот предвидува казна до 12 години затвор.

„Имаме отворен регистар на педофили, имаме веб-страница на која се регистрирани сите лица кои го сториле ова дело, биле осудени, издржуваат казна, па дури и 10 години по излегувањето од затвор. Сето ова заради превенција, секој од јавноста што има посебен интерес или се сомнева на одредена личност може да пристапи на оваа веб-страница и да провери, бидејќи луѓето таму се објавени по име и презиме и со фотографии. Затоа, ова е многу точна превентивна мерка“, изјави Ведије Раткоцери, универзитетски професори.