Реџепи кажа што е постигнато со договорот потпишан во Софија

Директорот за национални енергетски ресурси, Бајрам Реџепи, во своето вечерашно гостување во емисијата „Економски Магазин“ на Алсат, кажа какви позитивни страни имал договорот потпишан во понеделникот во Софија.

Како што вели тој, со овој договор конечно се става крај на монополот што до сега го имала компанијата Газпром.

„Договорот што го потпишавме во понеделникот во Софија конечно го оневозможува и го поништува монополот што руската компанија за снабдување со гас „Газ Пром“ досега го користеше и ќе се погрижам и другите добавувачи да имаат пристап до пазарот за снабдување со природен гас, меѓу нашите две земји“, рече Реџепи.