Ревизијата утврди нерегуларности во работењето на ДИК

Државниот завод за ревизија утврди нерегуларности во финансиските извештаи на Државната изборна комисија за претседателските избори во 2019 година и за локалните избори во Охрид, Дебар и Ново Село. Од 80 општински изборни комисии, не беа пронајдени финансиски извештаи за 25 од нив. Ревизорите утврдија дека средствата биле исплатени на општинските комисии без потребната фискална документација. ДИК не воспостави фискален регистар за изворот на 5 милиони денари со кои беа платени 154 лица за ангажман. Оваа нерегуларност, според ревизијата, може да создаде финансиски компликации во јавните набавки за претстојните избори. ДИК се уште нема објавено официјален став во врска со наодите на Државниот завод за ревизија.