Рудните богатства долж автопатите ќе се експлоатираат подолго од сега
![](https://alsat.mk/mk/wp-content/uploads/2020/11/avtopat-arben-aferi-280708.jpg)
Владата ќе им даде рок од шест месеци на инвеститорот и изведувачот на Коридорот 8 и 10-д за експлоатација на минералните суровини и по завршувањето на проектот. Ова е три месеци подолго од сегашниот рок што е во сила. Измените ќе се прават преку законот за минерални суровини, за кој денеска продолжи расправата во Собранието.
Опозицијата се обиде да го смени овој предлог со амандман. Сличен амандман имаше и пратеникот од партиите на мнозинската коалиција, Љупчо Балковски, но и двата беа отфрлени. Мнозинството смета дека треба да се создадат сите услови за побрзо и поефикасно работење.
„Ние како пратеници сето ова го правиме за да бидеме поефикасни и на некој начин да ѝ помогнеме на Владата затоа што во изминатиот период навистина имавме многу проблеми со реализацијата на вакви проекти кои – ќе нагласам, беа многу неефикасни и ни требаше долго време да за спроведување“, рече Рина Ајдари, пратеничка на ДУИ.
Опозицијата не верува во добрите намери на власта без да го види договорот меѓу државата и „Бехтел – Енка“.
„Доколку не се изгласаат овие осум закони што се во моментов, не е крај на светот. Значи, компанијата Бехтел – Енка на 22 овој месец ќе започне со изградба на Коридорот 8, но работите ќе се пролонгираат и изградбата на автопатот и сегментите ќе чини повеќе“, рече Бедри Фазли, ДУИ.
Актуелно во процедура се осум закони кои, како што тврди власта, предвидуваат олеснување на административните процедури за изведувачот на автопатите.
Фатлуме Дервиши