МАКЕДОНИЈА
Русковска не може да оцени дали документот објавен во медиумите, за кој се тврди дека е белешката од АНБ за притворот на Камчев е автентичен
Шефицата на Обвинителството за гонење организиран криминал и корупција, Вилма Русковска не дава оценка дали е автентична содржината на документот, кој вчера се појави во медиумите, а за кој се тврди дека е белешка од Агенцијата за национална безбедност врз основа на која е притворен Јордан Камчев. Во вечерашното гостување во емисијата „360 Степени“ на Алсат, рече дека оригиналната содржината ја нема прочитано и оти сите информации ги добила од нејзина колешка.
„Ја видов во медиумите, вчера, јас ја немам прочитано. Колку што разговарав со колешката, како што ме информираше, дека и таа ја нема, наводно ја оставила во Судот. Ви кажувам само она што го знам. Никогаш ја немам видено, затоа не можам да говорам за автентичност“, рече Русковска.