Во последните 24 часа регистрирани се 164 позитивни случаи на ковид-19

Брзо зголемување на бројот на нови случаи со Ковид 19. Во последните 24 часа, регистрирани се 164 нови случаи. Во Тетово бројот на заразени е поголем отколку во главниот град. Од 164 позитивни случаи, 60 се од Тетово. Од Ковид центарот во овој град велат дека 26 пациенти се хоспитализирани на лекување, од кои 25 на терапија со кислород.

„…. Ова е знак што ни покажува дека во иднина веројатно ќе имаме повеќе заразени и хоспитализирани пациенти. Граѓаните мислејќи дека времето е добро, пандемијата е завршена и не носат маски и не одржуваат дистанца. Има групирања, свадби и забави каде што се знае дека болен човек може да зарази многу други. Ова е причина, додека во болница имаме и увезени случаи што дошле од странство со Ковид 19. Имаме и кластери, т.е. ги имаме сите комбинации во Тетово од секаков вид, иако немаме точни информации дали се работи на Делта, но сигурно ќе доминира во иднина“, рече Гезим Нуредини, Ковид центар Тетово.

Возраста на заразените е од 31 до над 65 години. Тетово води по бројот на заразени, но не и по бројот на вакцинирани. Податоците од Министерството за здравство покажуваат дека 19% од тетовчани ја примиле првата доза. Градовите Кавадарци, Битола, Охрид и Штип имаат најголем процент на вакцинирани.

„Во текот на вчерашниот ден, со првата доза вакцинирани се 3.909 граѓани, додека вкупно 12.939. Досега се вакцинирани вкупно 519.106 граѓани, додека 401.336 граѓани се вакцинирани со две дози досега“, наведоа од министерството за здравство.

Во просек, дневно се даваат по 3.000 вакцини. Вакцините Синовак, Астра и Зенека и Фајзер се достапни за граѓаните.

Вјолца Алити