СДСМ, ДУИ и Алијанса со заеднички листи на изборите?
СДСМ, ДУИ и Алијанса за Албанците може на следните парламентарни избори да излезат со заеднички листи. Потпретседателот на СДСМ Фатмир Битиќи за Алсат вечерва рече дека не е исклучена можноста за предизборна коалиција меѓу овие партии кои ќе бидат дел од, како што рече, проевропскиот фронт.
„Сигурни сме дека ќе предводиме коалиција која е со европски дух. Дали ќе испадне поширока коалиција со заеднички листи или одделни листи, но во истиот дух за европскиот пат, не знам, за тоа ќе одлучат партиските органи. Но, мора да се направи јасна дистинкција меѓу оние кои се за европскиот пат и оние кои нè водат назад и се за други неевропски патишта. Ќе одиме како блок со заеднички или со посебни листи, но како еден блок“, изјави Битиќи вечерва за емисијата 200 на Алсат.
