СДСМ: Само една вазна во белиот дворец чини 180 илјади евра

Пратеникот на СДСМ, Миле Талевски, во вечерашното гостување во емисијата „Патот кон“ на Алсат рече дека за изградба на седиштето на ВМРО-ДПМНЕ биле потрошени огромни суми пари на граѓаните кои нелегално биле собрани и употребени за изградба на белиот дворец и за луксузен мебел.

„180 илјади евра чини само една вазна во белиот дворец. Замислете колку пари се тоа и колкава забеганост има во ВМРО-ДПМНЕ, да купуваат таков луксузен мебел во нивното седиште кога граѓаните се соочуваат со страшни кризи“, рече Талевски.