Се укинува карантинот во повеќето градови во Нов Зеланд

Карантинот ќе биде укинат во повеќето делови на Нов Зеланд, откако бројот на заразени лица со коронавирусот продолжи да опаѓа, соопшти денеска премиерката Џасинда Ардерн.

Advertisements

Таа рече дека ограничувањата за поголемиот дел од земјата ќе бидат ублажени од среда. Строгите мерки ќе останат во сила во најголемиот град Оукленд.

Нов Зеланд денеска пријави 20 нови случаи на локално пренесена зараза, а вкупниот број на заразени се зголеми на 821.

Строгиот карантин беше воведен во земјата неколку часа откако беше откриен еден случај на 18 август, а сите училишта и компании кои не се неопходни беа затворени.