Симовски не очекува потешкотии до крајот на пописот

Директорот на Државниот завод за статистика, Апостол Симовски денеска рече дека не се очекуваат потешкотии во спроведувањето на пописот и изрази надеж дека операцијата успешно ќе заврши во планираниот рок.

„На самиот почеток имавме мали технички застои кои се надминати и веќе три дена по ред, без никакви проблеми, попишувањето се спроведува и интензитетот е задоволувачки. Очекувам дека и наредниот период нема да имаме вакви случаи“, рече Симовски.

Тој додаде дека и доколку се случи нешто непредвидено има дежурни тимови кои веднаш би интервенирале.