Скопските улици како тркачки патеки, во еден ден 133 казни за брзо возење
При засилените акциски контроли во областа на сообраќајот на Министерството за внатрешни работи, во текот на вчерашниот ден на територијата на град Скопје се изречени вкупно 224 мерки, меѓу кои и 133 санкции за движење со брзина поголема од дозволената брзина, 13 за управување со возило без возачка дозвола и 12 за возење под дејство на алкохол.
Како што информира МВР, изречени се седум мерки за користење мобилен телефон, пет за прекршоци што ги чинат возачите на мотоцикли, како и 41 санкции за непрописно паркирање.
– Засилените акциски сообраќајни контроли продолжуваат. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, се додава во соопштението на МВР.
