Снег на планините во дебарско, сообраќајот по влажни коловози
Во поширокиот дебарски регион снег има на планините, а поради дождот, присутен во изминатите денови има појава на мали одрони на влажните коловози, поради што се препорачува внимателно возење.
Екипи на дебарската секција на ЈП за одржување магистрални и регионални патишта се постојано на терен во расчистување на одроните и сообраќајот се одвива без проблеми.
-Од петти месецов работиме со постојано дежурство, со комплетни екипи и потребната механизација. Нашите екипи се постојано на терен во расчистување на помалите одрони од коловозите. Поради одроните влажните коловози апелираме на внимателно возење и строго почитување на сообраќајните правила и прописи, изјави за МИА, Деар Лиманоски раководител на секцијата.
Посочи дека во моментов на патните правци кои се под надлежност на секцијата нема снежни врнежи и нагласи дека располагаат со доволна количина абразивен материјал и соодветна механизација.
