Софија поддржува проширување на ЕУ, но според заслуги, очекува политичка волја од раководството во Скопје

Бугарскиот премиер Росен Жељазков на средба со претседателот на Европскиот совет Антонио Кошта, искажал поддршка за проширувањето на ЕУ, но според принципот на сопствени заслуги, односно исполнети обврски, пренесува БТА.

Advertisements

Жељазков по средбата со Кошта во Стразбур, изјави дека разговарале за важни прашања поврзани со агендата на ЕУ во однос на проширувањето.

– Го потврдивме нашиот став, кој се однесува на земјите од Западен Балкан – дека се придржуваме до принципот на сопствени заслуги, како што повеќе пати и постојано кажуваме, истакна новиот бугарски премиер.