Сончево и ведро, кон крајот на денот зголемување на облачноста

Сончево и ведро време ќе преовладува денеска во земјава. Изутрина ќе биде студено со услови за утринска магла по одделни котлини, а преку ден сончево. Кон крајот на денот облачноста ќе се зголеми. Ќе дува слаб до умерен ветер од јужен правец.

Минималната температура ќе се движи во интервал од -3 до 3, а максималната од 14 до 19 степени.

Во Скопје, слично време со минимална температура до 1 степен и максимална до 17 степени.

Во вторник ќе има промена на времето и ќе биде претежно облачно и посвежо со врнежи од дожд, особено претпладне. Потоа во следните денови ќе преовладува стабилно време со умерен, на места засилен ветер од јужен правец. Температурите ќе бидат во значителен пораст.