Најмалку 40 лица загинаа, а повеќе од 100 се ранети во пукање во концертна сала во Москва, јавува новинската агенција ТАСС.
Најмалку три лица во маскирни униформи отворија оган во концертното место Crocus City Hall.
Како што јави Новаја Газета, најмалку 40 луѓе се убиени во овој ужасен масакр во концертна сала во московското предградие Красногорск.
Покрај загинатите, во нападот се повредени и најмалку 100 лица, пишуваат државните агенции. Исто така, се верува дека уште 200 луѓе се заробени во зградата додека пожарот се шири.
Очевидци опишаа и експлозија што се случила во концертната сала пред пукањето.
